Bruno Lazh nuk është më trajner i skuadrës së Volvesit!

Fatale për trajnerin portugez ishte humbja në transfertë ndaj Uest Hemit me rezultatin 2-0 dhe gjithashtu edhe starti negativ i sezonit, ku nga 8 ndeshje, kanë grumbulluar 1 fitore, 3 barazime dhe 4 humbje, duke koleksionuar 6 pikë në vendin e 18.

Këtë lajm e ka bërë vetë publike klubi i Premier Ligës me anë të një komunikate në sajtin e saj zyrtar duke njoftuar këtë “divorc” mes palëve.

Detyrën e trajnerit përkohësisht do ta marrë anëtari e stafit Stiv Dejvis, i cili do të drejtojë skuadrën për ndeshjen kundër Çelsit në stadiumin “Stamford Bridge”.

46-vjeçari, Bruno Lazh u emërua në krye të pankinës së Volvesit më 1 korrik 2021, teksa në 51 ndeshje në të gjitha kompeticionet, fitoi 19, barazoi 9 dhe humbi 23.

Wolves have parted company with head coach Bruno Lage.

We would like to thank Bruno and his coaching team for their efforts during their time at the club and wish them the very best for the future.

— Wolves (@Wolves) October 2, 2022

BRIAN KRISTO – PANORAMASPORT.AL

NDIQE LIVE "PANORAMA TV"

---