Egnatia ka kryer goditjen e tretë në këtë sesion të merkatos verore.

Pas Ilir Camajt dhe Emiljano Mustës, klubi rrogozhinas ka zyrtarizuar blerjen e portierit, Alen Sherri.

Gardiani shkodran, i cili e mbylli me Laçin ka kryer me sukses vizitat mjekësore dhe ka firmosur një kontratë 2-vjeçare me Egnatian.

Këtë lajm e ka bërë zyrtare vetë klubi rrogozhinas me anë të një komunikate në profilin e saj të rrjetit social “Facebook” duke i uruar mirëseardhjen portierit 25-vjeçar.

KOMUNIKATA ZYRTARE E EGNATIAS –

“Njoftim

✍️ Klub Futboll Egnatia njofton se ka nënshkruar për dy sezone me portierin e talentuar Alen Sherri. Shkodrani pasi ka kryer vizitat mjekësore ka firmosur kontratën në prani të presidentit Agim Demrozi.

Skeda

Emri: Alen

Mbiemri: Sherri

Ditelindja: 15/12/1997

Karriera: Vllaznia, Laçi

Pozicioni: Portier (1.97)”

BRIAN KRISTO – PANORAMASPORT.AL

NDIQE LIVE "PANORAMA TV"

---