Ish-sulmuesi i Teutës, Basit Kalid ka bërë një hap të madh në karrierë duke u transferuar tek skuadra e Sherif Tiraspolit në Moldavi.

Edhe pse një skuadër jo e niveli të lartë, Sherifi po kalon një moment mjaft të mirë pasi këtë sezon luan në Ligën e Kampionëve. Moldavët i surprizuan të gjithë duke mundur Shaktarin në ndeshjen e parë duke siguruar tre pikët e para në Grupin D ku bën pjesë dhe Real Madrid e Inter.

Kalid luajti 1 vit me durrsakët në sezonin 2019-2020 ku u aktivizua në 9 ndeshje dhe nuk shënoi asnjë gol. Së fundmi, 25 vjeçari ishte pjesë e Esperances në Tunizi ku u aktivizua në 24 ndeshje dhe realizoi 3 gola, ndërsa më herët, sulmuesi ganez ka qenë dhe pjesë e Prishtinës. Lajmin e bëri të ditur vetë klubi moldav me anë të një postimi në faqen e saj në “Twitter” duke siguruar një përforcim për sezonin e ardhshëm.

??Добро пожаловать, Басит Абдул??
Новым игроком ФК «Шериф» стал центральный нападающий из Ганы – Басит Абдул Халид. После медицинского обследования игрок и руководство клуба поставили свои подписи под трудовым договором.
?https://t.co/Z86TQyb0Cc pic.twitter.com/BuK1v9qhF3

— FC Sheriff (@FotclubSheriff) September 17, 2021

Kujtojmë se Sherif Tiraspol është skuadra që eliminoi Teutën nga faza e parë eliminatore e Ligës së Kampioneve, ndërsa Kalid do të luajë në Champions vetëm nëse moldavët kalojnë grupin pasi lista e lojtarëve është dorëzuar më herët dhe 25-vjeccari nuk është pjesë e saj.

PANORAMASPORT.AL

NDIQE LIVE "PANORAMA TV"

---