ZYRTARE/ Albpetroli emëron trajnerin e ri, ja kush do ta drejtojë klubin patosarak
Albpetroli e nisi këtë sezon të ri në mënyrën më të keqe të mundshme, teksa regjistroi 2 humbje në 2 javët e para.
Situata jo fort pozitive në klub, si dhe ecuria negative e skuadrën, sollën largimin e trajnerit Mariol Miho, i cili ndërpreu bashkëpunimin me Albpetrolin, që sezonin e shkuar ishte një nga pretendentet kryesore për t’u ngjitur në Kategorinë e Parë.
Ndërkohë së fundmi mësohet edhe emri i trajnerit të ri që do të drejtojë patosarakët. Ai është lushnjari Llazar Dushi, i cili rikthehet kështu tek ky klub, pasi kujtojmë që e ka drejtuar edhe në sezonin 2014-2015.
Palët kanë arritur marrëveshjen, teksa Dushi, nuk do të humbë kohë dhe do t’ia nisë menjëherë nga puna, për ta rikthyer skuadrën te rezultatet pozitive.
PANORAMASPORT.AL
NDIQE LIVE "PANORAMA TV"