Zidan kërkon fitoren për t’u shpallur kampion, tregon si ndikoi humbja 7-3 ndaj Atletiko Madridit

Panorama Sport | Lajmet e fundit nga bota e sportit

Postuar: Korrik 15, 2020 | 14:09


Zidan kërkon fitoren për t’u shpallur kampion, tregon si ndikoi humbja 7-3 ndaj Atletiko Madridit

Real Madridit i duhen vetëm dy pikë në dy ndeshjet e fundit për të fituar La Ligan. Nëse skuadra e drejtuar nga Zinedin Zidan fiton nesër ndaj Vijarealit, atëherë shpallet matematikisht kampione.

REAL MADRID

Kur u pyet nëse do firmoste për dy barazime në dy ndeshjet e ardhshme Zidan u shpreh: “Nuk bëhet fjalë se çfarë më pëlqen mua. Ne duam të fitojmë ndaj Vijarealit, kaq. Ne do shkojmë për fitore, Unë ende nuk e ndiej veten kampion, gjithçka mund të ndodhë”.

Në konferencën për shtyp Zidan u pyet edhe nëse humbja në fazën përgatitore 7-3 kundër Atletiko Madridit ndikoi në kthesën e skuadrës. “Jam i sigurtë që na ka ndihmuar të përmirësohemi.

“Isha shumë i indinjuar pas asaj ndeshjeje, ashtu si të gjithë lojtarët. Ka shumë ambicie në këtë klub dhe e ka pasur këtë gjatë gjithë historisë”, përfundoi trajneri i Real Madrid Zidan.

PANORAMASPORT.AL




Për t’u bërë pjesë e grupit të "Panorama Sport" mjafton të klikoni: Join Group dhe kërkesa do t’ju aprovohet.
KOMUNITETI PANORAMA SPORT: https://www.facebook.com/groups/sportionline/

www.minuta90.com