Ismail “Ballist” Morina është duke përdorur çdo mundësi ligjore për të shmangur ekstradimin e tij drejt Serbisë. Avokati i tij Darko Butigan ka treguar për BIRN se autori i dronit të mbrëmjes së 14 tetorit 2014 në Beograd ka aplikuar për azil politik në Kroaci.

“Mund të konfirmoj që Ismaili ka aplikuar për azil politik sepse ai është i bindur që në Serbi nuk do të gjykohet drejt”, tha avokati.

Vendimi i Gjykatës së Shkallës së Parë të Dubrovnikut është apeluar nga Ballist Morina dhe tashmë pritet çfarë do të thotë Gjykata Supreme, e cila nuk ka një afat të përcaktuar se kur duhet të vendosë për këtë çështje. Pas vendimit të Gjykatës Supreme, është Ministri i Drejtësisë ai që duhet ta konfirmojë atë.

“Zakonisht, Gjykata Supreme merr 2-3 muaj për të vendosur mbi apelimin e një çështjeje, por tani me kërkesën për azil, ekstradimi do të shtyhet për një periudhë 6-10 muaj”, sqaroi Butigan.

NDIQE LIVE "PANORAMA TV"

---