Viti e debutimit në Formula 1 nuk ka qenë një sukses, por duket se drejtuesit e Has janë gjithsesi të lumtur me Mik Shumaher. Djali i shtatë herë kampionit të botës në Formula 1, Mikael Shumaher, është konfirmuar sot zyrtarisht edhe për edicionin e ardhshëm te kjo skuadër.

Skuadra e Has bëri të ditur se 22-vjeçari është konfirmuar edhe për edicionin tjetër, ashtu si shoku i tij i skuadrës, Nikita Mazepin. Në fakt marrëveshja ishte arritur prej kohësh, por mbetej vetëm zyrtarizimi që ka ardhur sot, me drejtuesit e skuadrës që u shprehën të lumtur që vazhdonin të kishin dy pilotë të perspektivës.

“Unë po jetoj një ëndërr. Viti i parë me Haas ishte shumë entuziazmues dhe edukues. Do të marr të gjithë këtë eksperiencë të fituar në vitin e parë me vete në sezonin e dytë. Rregullat e reja dhe ambiciet e Haas, mendoj se do të na bëjnë më konkurrues dhe të luftojmë për pikë”, tha piloti gjerman pas këtij lajmi të rëndësishëm për karrierën e tij. Deri tani, Mik Shumaher ka marrë pjesë në 14 gara në këtë sezon, duke mos u renditur asnjëherë në zonën e pikëve, me pozicionin e 12 si finishin e tij më të mirë.

PANORAMASPORT.AL

NDIQE LIVE "PANORAMA TV"

---