Zbulohen prapaskenat/ Murinjo refuzoi 12 milionë paund nga Reali, ja si spanjollët i ofruan bonus për të mos firmosur
Reali i Madridit ishte gati që t’i ofronte Zhoze Murinjos një bonus prej 12 milionë paundësh që ai të mos pranonte asnjë punë tjetër dhe të priste derisa të largohej Zinedin Zidani zbulon “The Sun”.
Gjigantët spanjollë donin që ishtrajneri i tyre, të cilin e kishin piketuar sërish për ta rikthyer në “Bernabeu”, të mos shkonte në asnjë klub tjetër derisa ata ta thërrisnin.
Por portugezi e kishte vendosur dhe zemra e tij ishte për të vazhduar dhe punuar në Premier Ligë, aq më tepër në një klub të Londrës, ku atij nuk do t’i duhej që të ndahej nga familja, e cila jeton në kryeqytetin anglez. Presidenti i “Spërsave”, Daniel Levi, të cilit i nisën dyshimet për trajnerin Poçetino pas humbjes në finalen e Champions-it, i vendosi kontaktet me “Specialin”.
Në fakt, Reali nuk është i vetmi klub që iu afrua ish-teknikut të Junajtid. Dortmundi, Milani, Lioni, Lila, Benfika ishin të interesuar për t’i ofruar stolin e tyre. Madje kinezët e Guanzhusë i ofruan 40 milionë paund neto në vit vetëm që ai të merrte drejtimin e stolit të tyre.
Por Mou e dinte se në valle ishte stoli i Totenhemit dhe me krizën e Poçetinos që shtohej, takimi në Londër i palëve më 21 tetor, ku Mou u ul për të biseduar me superagjentin Pini Zahavi, mbylli çdo portë për Realin.
PANORAMASPORT.AL
NDIQE LIVE "PANORAMA TV"