Zbardhet vendimi i Gjykatës Federale, ja çfarë do të ndodhë me Skënderbeun

Panorama Sport | Lajmet e fundit nga bota e sportit

Postuar: Gusht 12, 2020 | 23:58


Zbardhet vendimi i Gjykatës Federale, ja çfarë do të ndodhë me Skënderbeun

Lajm i hidhur nga Gjykata Federate për Skënderbeun, e cila ka rrëzuar apelimin e klubit korçar, duke lënë në fuqi vendimi i KAS-it. 

Skenderbeu tropikal

Vendimi është bërë publik nga klubi bardhekuq nëpërmjet një postimi në faqen zyrtare.  Mësohet se trupa gjykuese përbëhej nga 5 antarë, 3 prej të cilën votuan pro dhe 2 kundra, duke rrëzuar rekordin e klubit korçar.

Skënderbeu bën me dije se po shqyrton të gjitha mundësitë për një ankim të mëtejshëm në Gjykatën Europiane për të Drejtat e Njeriut. Për sa i përket të ardhmes, njoftohet se pavarësisht efekteve tejet të rënda, korçarët do të vazhdojnë rrugëtimin me synim për të arritur suksese të tjera historike.

Kujtojmë që klubi korçar u dënua nga UEFA me 10 vite pezullim nga kompeticionet europiane si dhe u gjobim me 1 milion euro, për trukime ndeshjesh.

NJOFTIMI I KLUBIT:

Sot, më datë 12 Gusht 2020, KF Skënderbeu-t ju bë me dije Vendimi i Gjykatës Federale Zvicerane në lidhje me rekursin e kryer ndaj Vendimit të CAS-it datë 12 Korrik 2019.

Pavarësisht argumenteve të pakundërshtueshme të paraqitura në proçes, trupa gjykuese e përbërë nga 5 anëtarë, përmes një vendimarrje me shumicë të thjeshtë votash, 3 vota pro dhe 2 kundra, vendosi rrëzimin e rekursit të kryer nga KF Skënderbeu, duke konfirmuar vendimin e mëparshëm të CAS-it.

Në momentin aktual, KF Skënderbeu po shqyrton të gjitha mundësitë për një ankim të mëtejshëm në Gjykatën Europiane për të Drejtat e Njeriut, pasi në asnjë mënyrë nuk mund të konformizohet me një vendim i cili, në çmimin tonë, cënon rëndë parimet e të drejtës për një proçes të rregullt ligjor. Për këtë, informacione të mëtejshme në lidhje me përmbajtjen e vendimit në fjale do të bëhen publike, pasi të jenë kryer të gjitha vlerësimet e rastit.

Pavarësisht efekteve tejet të rënda që ky vendim ka, KF Skënderbeu do të vezhdojë rrugën e tij drejt arritjes sërish të sukseseve historike të mëparshme, të cilat ende sot shërbejnë si model e frymëzim për futbollin Shqipëtar. Puna vazhdon!

Skenderbeu




Për t’u bërë pjesë e grupit të "Panorama Sport" mjafton të klikoni: Join Group dhe kërkesa do t’ju aprovohet.
KOMUNITETI PANORAMA SPORT: https://www.facebook.com/groups/sportionline/

www.minuta90.com