Zaniolo i hap punë Romës, verdhekuqtë dhe Interi gati të shkëmbejnë dy lojtarët
Interi dhe Roma po punojnë për të kryer një shkëmbim mes tyre gjatë merkatos së janarit.
Mediat italiane raportojnë se në mes të këtij operacioni të dykahshëm janë lojtarët Mateo Politano dhe Leonardi Spinacola. Verdhekuqtë humbasin për të paktën 6 muaj shërbimet e mesfushorit të krahut Nikolo Zaniolo, i cili dëmtoi ligamentin në sfidën kundër Juventusit. Emergjenca e krijuar për shkak të dëmtimit të 20-vjeçarit i detyron drejtuesit e Romës që të përzgjedhin Politanon si futbollistin e duhur për të vepruar në krahun e skuadrën romane.
Por, Inter nuk dëshiron të dalë duarbosh nga ky operacion. Zikaltërit kërkojnë në këmbim mbrojtësin e krahut Leonardo Spinacolën. Krahu i djathtë i mbrojtjes zikaltër duhet të përforcohet sa më shpejt dhe nëse drejtuesit e Interit nuk arrijnë të bindin Eshli Jangun e Mançester Junajtid, atëherë zgjedhja e tyre mbetet të jetë shkëmbimi Politano-Spinacola.
PANORAMASPORT.AL
NDIQE LIVE "PANORAMA TV"