Xhaka tregon sekretet: Ozili më i miri me të cilin kam luajtur, Mustafi është…

Panorama Sport | Gazeta me e shitur sportive ne vend

Postuar: Shtator 25, 2018 | 15:51

Xhaka tregon sekretet: Ozili më i miri me të cilin kam luajtur, Mustafi është…

Mesfushori i Zvicrës, Granit Xhaka, ka folur për bashkëlojtarët e tij të Arsenalit, duke zbuluar se Shkodran Mustafi i argëton ata me muzikë në dhomat e zhveshjes,ndërsa Mesut Ozilin e ka vlerësuar si lojtarin më të mirë me të cilin ka luajtur ndonjëherë.

57e7da9c535e63eeca000001_1537880103-3069915

Në një intervistë për “Soccer AM”, mesfushori me origjinë shqiptare i Arsenalit, Granit Xhaka, diskutoi rreth bashkëlojtarëve të tij. Këtë lloj të intervistës, të quajtur “Teammates 2.0”, e kishin bërë edhe yjet e tjerë të Premierligës, si Herri Kejn, Xhesi Lingard, Filip Kutinho, Eden Hazard dhe Leroi Sane. Kur u pyet se cili është bashkëlojtari i tij më i mirë, Xhaka  zgjodhi Mesut Ozilin, duke e lavdëruar atë jo vetëm për aftësitë sa i përket futbollit, por edhe për personalitetin e tij. Xhaka ka luajtur përkrah Ozilit që nga viti 2016, kur u transferua në Arsenal nga Borusia Mynshenglabah.

“Nuk më duhet shumë kohë për të menduar për këtë, është Mesuti. Mesut Ozil është lojtari më i mirë me të cilin kam luajtur deri më tani. Ai është futbollist i rrugës, filloi të luajë futboll në rrugë. Atij i pëlqen të bëjë gjëra me top, ta ketë topin në këmbët e tij dhe është një futbollist i jashtëzakonshëm”, ka thënë Xhaka.

“Ai është një djalosh brilant, shumë i hapur dhe gjithmonë i ndihmon të tjerët. Është një djalosh shumë i mirë, i shoqërueshëm dhe mund të them vetëm gjëra të mira për të”.Megjithatë, në këtë interviste, Xhaka  përmendi edhe mbrojtësin Shkodran Mustafi, i cili po ashtu ka origjinë shqiptare. Xhaka bëri të ditur se Mustafi, i cili luan për Kombëtaren e Gjermanisë, është lojtari i cili  zgjedhë shpesh muzikën që dëgjohet në dhomat e zhveshjes duke e quajtur atë DJ.

“Mustafit i pëlqen ta zgjedhë muzikën. Ndërsa, për ndeshje është më e përzier. Holding i përzgjedh këngët zakonisht para ndeshjeve, por edhe Mustafi e bën këtë gjë. Edhe Aubameyangu i zgjodhi për një ndeshje0. Mustafi dëgjon shumë këngë gjermane”, shtoi Xhaka.

Përkundër faktit se ai dhe Mustafi kanë që të dy prejardhje shqiptare, Xhaka rrëfeu se shoku i tij i ngushtë është Stefan Lishtainer, i cili u transferua në Arsenal gjatë verës. Xhaka dhe Lishtainer janë shokë që nga viti 2010 dhe shqiptari me nënshtetësi zvicerane ka bërë të ditur se ai e kishte bindur atë të transferohet në klubin londinez.

“Duhet ta zgjedh Lishtainer. E kam njohur atë që kur kemi qenë 17-vjeçarë nga Kombëtarja e Zvicrës. Kam luajtur përkrah tij për shumë vite për Zvicrën dhe tani e shoh çdo ditë dhe e kam kuptuar se çfarë personi është. E kisha ditur edhe më herët, por tani e njoh edhe më mirë. Ai është i qetë dhe shumë inteligjent”, u shpreh mesfushori i Arsenalit.

 






www.minuta90.com