Postuar: Shkurt 14, 2018 | 10:50
“Vulosen” titullarët, mungesa e Allës dhe Shametit sjell rokadë në mbrojtje
Peter Pakult do kualifikimin dhe për t’ia dalë ka marrë që të gjitha masat. Gjatë stërvitjes së fundit, ai ka provuar disa skema, pasi mungesat e Shametit e Allës kanë vënë në vështirësi.
Duke mos pasur të dy qendërmbrojtësit, trajneri i detyruar ka bërë rokadë.
Kështu Musolli do të zhvendoset në qendër, ashtu si dhe në dy takimet e fundit, ndërsa Hoxha do të zërë vendin e kapitenit. Në portë pritet ta nisë nga minuta e parë gardiani Koliçi, sakaq mbrojtja kompletohet me Zderiç dhe Rrumbullakun në krahë.
Mesfusha do të përbëhet nga Ethemi në të djathtë, në qendër Shkodra e Dzaria, në të majtë Kale ka prioritet, por kandidat është edhe Imami. Sulmi do të përbëhet nga Bakaj e Guri.
NDIQE LIVE "PANORAMA TV"