Vllaznia me mesfushë të ngjeshur, ja si pritet të rreshtohen sot të dy ekipet
Vllaznia pritet të luajë me një mesfushë të ngjeshur. Nga sa ka bërë me dije vetë tekniku Gjoka, kuqeblutë do të jenë me forca të shumta në mesin e fushës për të eliminuar në njëfarë mënyre armën me të fortë të miqve.
Aktivizimi i dyshes Krymi e Tafili së bashku me Orelesin duket se do të krijojnë një barrierë të fortë para mbrojtjes. Kjo mund të jetë edhe zgjidhja që tekniku do të kërkojë për të marrë më të mirën në këtë përballje.
Gjoka do të besojë sërish te Sherri në portë e po ashtu edhe te katërshja e mbrojtjes Gocaj, Malota, Berisha e Mersini. Në sulm sërish do të jetë i vetëm nga minuta e parë Sukaj. Mesi i fushës, përveç treshes, pritet që të ketë edhe Çinarin e Likën në krahë.
Ndërkohë, ky pritet të jetë formacioni i Teutës në ndeshjen e sotme.
