Postuar: Shtator 7, 2019 | 19:05
Vllaznia fiton në miqësore, ekipi i Jonuz dy gola përballë Veleçikut
Vllaznia ka vijuar me paraqitjet e mira, edhe në miqësoren e ditës së sotme, që kuqeblutë zhvilluan përballë Veleçikut, duke shfrytëzuar kështu pauzën e kampionateve prej ndeshjeve të kombëtareve.
Ekipi i Mirsad Jonuz, fitoi pastër 2-0 takimin me koplikasit. Golat për shkodranët u shënuan nga ardhja e verës, sulmuesi brazilian Uenderson da Silva Soaresh, si edhe mbrojtësi Erdenis Gurishta.
Pas tre ndeshjeve në kampionat, Vllaznia numëron 4 pikë, ndërsa nga java e re, kuqeblutë do t’i rikthehen përgatitjeve me fokusin maksimal tek Teuta, e cila është kundërshtarja për javën e katërt të Superiores.
PANORAMASPORT.AL
NDIQE LIVE "PANORAMA TV"