Më në fund ka ardhur zyrtarizimi. Fernando Augusto është lojtari më i ri i Partizanit. Lajmin e ka bërë publik vetë klubi në faqen zyrtarë në “Facebook”

Mbrojtësi brazilian i bashkohet të kuqve nga ekipi i Makedonija GP në Maqedoninë e Veriut. Klubi bën me dije se 28 vjeçari ka firmosur deri në fund të sezonit me opsion rinovimi edhe për një tjetër vit.

Fernando Augusto luan në të majtë të mbrojtjes dhe zbarkon te të kuqtë si zëvendësues i Emiljano Mustës.

FK Partizani njofton zyrtarizimin e marrëveshjes me Fernando Augusto Rodrigues de Araujo. Mbrojtësi i majtë, bashkohet me 16-të herë kampionët e Shqipërisë pas eksperiencave në Maqedoninë e Veriut te Pelister dhe së fundi te FK Makedonija Gjorče Petrov. Drejtuesit dhe 28-vjeçari brazilian kanë firmosur kontratën deri në fund të këtij sezoni, me opsion rinovimi edhe për një tjetër vit.

PANORAMASPORT.AL