VIDEOLAJM/ Rama dhe Ademi batuta në inaugurimin e “Loro Boriçit”
Përfaqësues të Qeverisë dhe pushtetit vendor në Shkodër inauguruan pasditen e së mërkurës ambientet e rikonstruktuara të stadiumit “Loro Boriçi”.
I pranishëm në këtë ceremoni ishte kryeministri Edi Rama, ministra të kabinetit, kryetarja e Bashkisë së Shkodrës, Voltana Ademi, kreu i FSHF-së, Armand Duka, etj.
Gjatë inspektimit të ambienteve të brendshme të stadiumit, nuk munguan as batutat dhe replikat mes kreut të qeverisë dhe kryetares së Bashkisë.
Fillimisht Rama ironizoi kryetaren e Bashkisë së Shkodrës për mbrojtjen e ndërtimeve pa leje, ndërsa Voltana Ademi iu përgjigj duke thënë se: “Kryeministri nuk jep asnjë lek për Shkodrën”.
Por Rama nuk e la me kaq dhe para se të dilte në tribunën qendrore, iu drejtua gazetarit Dritan Shakohoxha, lidhur me cilësinë e punimeve.
“O Shako, hë mor Shako, përveç atyre ndërtimeve atje, ke ndonjë vërejtje tjetër? U ngrit niveli? Prit se s’ke pa Arenën Kombëtare. Akoma nuk ke pa gjë”,-iu drejtuar kryeministri Rama gazetarit Dritan Shakohoxha, sipas një videoje të publikuar në internet nga “Tele Sport”.
Pas kësaj ceremonie, në stadiumin “Loro Boriçi” do të zbresin kuqezinjtë e Kombëtares për të zhvilluar ndeshjen miqësore ndaj Marokut (ora 20:30).
NDIQE LIVE "PANORAMA TV"