Video / Vllaznia mund Partizanin me penallti, shpallet kampione për U-19
Skuadra e Vllaznisë është shpallur kampione kombëtare për moshën U-19, pasi ka mundur në finale Partizanin falë gjuajtjeve nga pika e bardhë e 11-metërshave në takimin e luajtur sot në “Elbasan Arena”.
Pjesa e parë foli më shumë për Partizanin, i cili arriti të kalonte në avantazh me anë të Demirit në minutën e 27 të takimit.
Por kuqeblutë e drejtuar nga Elvin Beqiri u zgjuan në pjesën e dytë dhe pasi krijuan rrezikshmëri para portës kundërshtare, arritën të barazonin shifrat me anë të Lekajt, për të çuar ndeshjen në shtesa.
Për të përcaktuar fituesin u deshën gjuajtjet nga pika e bardhë e penalltive, ku Vllaznia fitoi 3-1. Vendimtare ishin pritjet e portierit Bajri, i cili arriti të neutralizonte dy gjuajtje të futbollistëve të Partizanit për t’i dhënë këtë trofe skuadrës së tij.
PENALLTITË
Vllaznia
Miloti – gol
Rajçeviç – gol
Pusi – gol
Brahimi – traversë
Partizani
Kumanova – pret Bajri
Haxhiu – gol
Smaçi – jashtë
Fetaj – pret Bajri
NDIQE LIVE "PANORAMA TV"