VIDEO/ Teo Hernandezit dhe Zhirusë nuk i ndahet, Franca harbohet me këngën origjinale të “Pioli is on fire”
Franca ka arritur të kualifikohet për në çerekfinalet e Botërorit “KATAR 2022” duke triumfuar me rezultatin 3-1 ndaj Polonisë pasditen e djeshme, e vlefshme për fazën e 1/8-ve.
Golat për kampionët në fuqi të Botës u shënuan nga Olivie Zhiru dhe dy herë Kilië Mbape, ndërsa për polakët golin e shënoi Robert Levandovski me penallti në minutën e 90+10′.
Francezët menjëherë pas vërshëllimës përfundimtare iu drejtuan dhomës së zhveshjes ku e shndërruan në një dhomë feste duke kërcyer dhe kënduar.
Nën ritmin e këngës “Freed From Desire” e kënduar nga Gala, lojtarët e transalpinëve u harbuan me kërcime.
Teo Hernandezit dhe Olivie Zhirusë kjo këngë nuk i ndahet duke parë se milanistët e kanë ndërruar versionin duke e bërë “Pioli is on fire”.
Një video që u bë virale kudo në rrjet.
Vlen të theksohet se Franca do të masë forcat ndaj Anglisë, në çerekfinalet e Botërorit, të shtunën e 10 dhjetorit, në orën 20:00.
BRIAN KRISTO – PANORAMASPORT.AL
NDIQE LIVE "PANORAMA TV"