VIDEO/ Të paparë tifozët kuqezi, shikoni si e mbështesin ekipin edhe pse humbi

Panorama Sport | Gazeta me e shitur sportive ne vend

Postuar: Shtator 10, 2018 | 22:34

VIDEO/ Të paparë tifozët kuqezi, shikoni si e mbështesin ekipin edhe pse humbi

Nga i dërguari i “Panorama Sport” në Skoci, Ilir Cara

22:35 | Ndeshja mbyllet me fitoren e Skocisë, por tifozët kuqezi mbështesin Kombëtaren, edhe pas kësaj humbjeje.

20:45 | Këndohet himni i Shqipërisë. Shpaloset edhe një flamur gjigand nga tifozët kuqezi në stadium.

20:00 | Zbret në fushë Kombëtarja Shqiptare, për të kryer nxehjen para nisjes së sfidës. Edhe tifozët shqiptarë kanë nisur të mbushin shkallët e stadiumit.

18:45 | Fillon të ndizet atmosfera përreth stadiumit “Hampden Park” në Glasgou, që dy orë përpara startimit të ndeshjes. Nisin të vijnë shqiptarët e parë, të gjithë me flamuj kuq e zi, si dhe me simbole të tjera kombëtare, në mbështetje të djemve të Panuçit.

hampden park shqiptaret2 copy

hampden park shqiptaret1 copy

hampden park shqiptaret copy

hampden park jashte copy

hampden parkk copy

hampden park copy

17:45 | Holli i hotelit është zbrazur tashmë , ku shumë personalitete dhe tifozë që gjendeshin aty, janë larguar tashmë. Presidenti Duka, bashkë edhe me të gjithë të pranishmit, janë larguar drejt një lokali pranë hotelit ku gjendet Kombëtarja. Më vonë, trajneri Panuçi do të mbajë mbledhjen e zakonshme bashkë me ekipin, para se të nisen për në stadiumin “Hampden Park”.

17:00 | Dyndje tifozësh në hollin e hotelit Hallmark, ku gjendet e grumbulluar Kombëtarja. Të shumtë janë tifozët që kanë shfrytëzuar këto orë para ndeshjes, për të qenë sa më afër ekipit përfaqësues. Presidenti i FSHF-së, Armand Duka, si dhe sekretari Ilir Shulku, firmosin autografe për tifozët e pranishëm.

dukaaa

duka hotell

16:50 | Koha në Gllasgou është e ftohtë, ka edhe disa pika shiu. Temperatura shënon 13 gradë celsius. Gjithashtu, ka edhe tifozë që interesohen për bileta.

hoteli skoci kombetarja

(Pamje nga jashtë e hotelit Hallmark, ku po qendron edhe Kombëtarja Shqiptare.)

16:45 | Në hollin e hotelit, ka mbërritur edhe presidenti i FSHF, Armand Duka, si edhe anëtarët e Komitetit Ekzekutiv, Bardhyl Minxhozi si dhe Arben Dervishaj. Duka qëndroi për pak momente, dhe u largua për të takuar lojtarët. Holli i hotelit tashmë po mbushet edhe me personazhe të tjerë. Armand Duka, si edhe sekretari i FSHF-së, Ilir Shulku, ishin më herët edhe në një drekë, me zyrtarë të Federatës Skoceze të Futbollit.

duka murati

16:30 | Kombëtarja Shqiptare gjendet pak orë para ndeshjes së dytë në Ligën e Kombëve, asaj ndaj Skocisë, në stadiumin “Hampden Park”. Tashmë, ekipi përfaqësues gjendet i grumbulluar në hotel, dhe kuqezinjtë e Panuçit, ka edhe një vizitor special.

hoteli skoci

Edvin Murati, ish-mesfushori i njohur i Shqipërisë, që me Kombëtaren ka luajtur edhe 42 ndeshje, gjendet pikërisht në Skoci, për të takuar ekipin, si edhe për t’i dhënë një dorë më shumë përpara një ndeshje në një fushë të vështirë.

42-vjeçari, është quajtur nga tifozët në të kaluarën, edhe si “Maradona i Ballkanit”, për shkak të aftësive të larta teknike. Shqipëria luan në orën 20:45, sfidën ndaj Skocisë, dhe pas fitores me Izraelin, të gjithë shpresojnë edhe në një tjetër rezultat pozitiv ditën e sotme.

edvin muratii

 

duka hotel skoci

hoteli skoci2

hoteli skoci1

 






www.minuta90.com