VIDEO/ Të gjithë në këmbë për rikthimin e Ibrës, Mançesteri fiton me përmbysje
Mançester Junajtid fitoi në shtëpi me rezultatin 4-1 përballë Njukastëllit në takimin e vlefshëm për javën e 12-të të Premier Ligëz angleze. “Djajtë e kuq” e panë veten në disavantazh në minutën e 14-të kur Gayle shënoi për miqtë. Në të 37-tën, Martial vendosi baraspeshën në “Old Traford” ndërsa në fund të pjesës së parë Smolling përmbysi gjithçka.
Në pjesën e dytë, skuadra e Murinjos gjeti edhe dy herë të tjera rrugën e rrjetës me anë të mesfushorit Pol Pogba dhe të sulmuesit Lukaku.
Në minutën e 77-të të gjithë tifozët e Junajtid u ngritën në këmbë dhe duartrokitën daljen nga fusha të Martial, por edhe futjen në fushë të Zlatan Ibrahimovic, i cili nuk luante që nga nga 20 prilli i kaluar pas dëmtimit të pësuar në ndeshjen kundër Anderleht, e vlefshme për çerekfinalet e Europa League.
The moment we have been waiting for.. The God is back.@Ibra_official @ManUtd #Zlatan #Ibrahimovic #ManUtd #MUNNEW pic.twitter.com/22Eoticx2d
— Mohamed Sukkary (@sukkarymasrawy) November 18, 2017
Suedezi për pak sa nuk gjeti rrugën e rrjetës, por portieri Elliot u tregua i vëmendshëm dhe arriti ta kontrollonte topin.
NDIQE LIVE "PANORAMA TV"