Postuar: Nëntor 13, 2018 | 10:12
VIDEO/ Të 2 titullarë, Abazaj fiton “derbin” kundër Gurit
U transferuan me shumë bujë nga Kategoria Superiore drejt kampionatit belg, por gjërat për Kristal Abazajn dhe Sindrit Gurin nuk kanë shkuar ashtu siç priteshin.
Abazaj nuk është në planet e trajnerit të ekipit të parë të Anderleht, ndërsa Guri ka 7 ndeshje që nuk aktivizohet si titullar në formacionin e Ostendes. Në pamundësi për të luajtur me ekipin e parë, të 2 futbollistët shqiptarë janë aktivizuar me ekipin e rezervave të skuadrës përkatëse.
Kjo sfidë e zhvilluar në një fushë të ngjashme me një kalçeto përfundoi me rezultatin 2-0 në favor të Anderlehtit. Edhe pse si Abazaj ashtu edhe Guri u aktivizuan si titullarë, ata nuk arritën të linin gjurmë në këtë sfidë.
NDIQE LIVE "PANORAMA TV"