Vjen koha e hakmarrjes për të gjithë ata që kanë vuajtur përballë Gjermanisë në vite, dhe pakkush ka vuajtur më shumë se Anglia e cila e ka parë veten shpesh të eliminuar përballë gjermanëve në turne të ndryshëm apo e mposhtur në mënyrë dramatikë nga “pancerat”.

Ndaj edhe Geri Lineker, ai i cili e ka vuajtur në kurriz eliminimin përballë Gjermanisë në Botërorin 1990, nuk i ka rezistuar tundimit të tallet me ta pas eliminimit për të dytin edicion radhazi në fazën në grupe. Ai ka postuar të modifikuar frazën e tij më të famshme që ka thënë për gjermanët.

“Futbolli është një lojë e thjeshtë, 22 burra ndjekin një top për 90 minuta dhe në fund, gjermanët fitojnë gjithmonë”, është fraza e famshme e tij që ripostoi në Twitter, duke i shtuar mbrapa “nëse ata kalojën fazën në grupe”.

Ajo shoqërohej me një video ku shfaqej duke qeshur me të madhe bashkë me Alan Shirer dhe Mikah Riçards.

“Football is a simple game. Twenty-two men chase a ball for 90 minutes and at the end, the Germans always win.” If they get through the group stage. pic.twitter.com/Svhay80Kw2

— Gary Lineker ?? (@GaryLineker) December 1, 2022

PANORAMASPORT.AL

NDIQE LIVE "PANORAMA TV"

---