VIDEO/ Sulmuesi shqiptar tund rrjetën ndaj ekipit të Balotelit, i dërgon “SMS” Rejës për një ftesë në Kombëtare
Florian Kamberi ka shënuar golin e tij të parë këtë sezon në Superligën zvicerane me fanellën e Vintertur.
Sulmuesi shqiptar ka realizuar në minutën e 90+6′ për ekipin e tij pas një aksioni kundërsulmi.
Vintertur fitoi me rezultatin 1-3 ndaj Sionit të ish-zv.trajnerit të Kombëtares shqiptare, Paolo Tramexani dhe Mario Balotelit, me këtë të fundit që shënoi në këtë takim nga pika e bardhë e penalltisë.
Me këtë gol, 27-vjeçari shqiptar i dërgon një “SMS”, trajnerit Reja për ta grumbulluar në Kombëtare duke filluar që nga dy ndeshjet miqësore të Shqipërisë, ndaj Arabisë Saudite në transfertë më 26 tetor në orën 19:00, dhe ndaj kampionëve aktualë të Europës, Italisë më 16 nëntor, e cila do të zhvillohet në stadiumin “AIR Albania”.
BRIAN KRISTO – PANORAMASPORT.AL
NDIQE LIVE "PANORAMA TV"