VIDEO / “SIUUU!”, nuk mund të mungonte një “Kristiano Ronaldo” në Olimpiadë
Kristiano Ronaldo është kthyer në një idhull për shumë fansa të futbollit anembanë botës dhe festimi i tij është bërë prej vitesh një nga më të kopjuarit. Por tashmë ajo “SIUUU!” që është kthyer në simbolin e portugezit, ka tejkaluar kornizat e futbollit dhe po shfaqet edhe në sporte të tjera, duke mos munguar as në Olimpiadë.
Në garat e sotme të skermës, 18-vjeçari egjiptian Mohamed Elsajed, ka shkaktuar një nga surprizat më të mëdha teksa ka mundur kampionin e trefishtë të botës, francezin Janik Borel. Djaloshi e festoi këtë arritje duke hequr kokoren e tij dhe vrapuar në pedanë, për të imituar më pas kërcimin dhe festimin ikonik të Ronaldos, me pamjet që sigurisht janë bërë shpejt virale në rrjetet sociale.
PANORAMASPORT.AL