VIDEO/ Shpërthimi spektakolar! Manaj i pandalshëm, realizon dopietë me Barcelonën B

Panorama Sport | Lajmet e fundit nga sporti

Postuar: Maj 16, 2021 | 23:12

VIDEO/ Shpërthimi spektakolar! Manaj i pandalshëm, realizon dopietë me Barcelonën B

Rei Manaj është duke kaluar një moment fantastik me Barcelonën B. Sulmuesi lushnjar, realizoi dopietë në përballjen ndaj Murcias, të vlefshme për gjysmëfinalen e “Play-Off”-it.

Manaj

Vendasit kaluan të parët në avantazh me Fernandez në minutën e 24-t, teksa pjesa e parë u mbyll me shifrat 1-0.

Në fragmentin e dytë të lojës, vjen dhe shpërthimi i bomberit shqiptar, i cili në minutën e 47-të, barazon shifrat nga pika e bardhë e penalltisë, teksa në të 64-t, rrëmben skenën me një shpërthim spektakolar nga mesfusha, afrohet bukur në hyrje të zonës dhe godet në mënyrë të kalibruar duke e dërguar topin në cepin e portës. Një gol i gjithi për t’u shijuar.

Barcelona B nuk arriti ta ruante këtë triumf, teksa në minutën e 82-të, vendasit barazuan shifrat me anë të Xemit. Koha e rregullt përfundoi në barazim 2-2.

PANORAMASPORT.AL

NDIQE LIVE "PANORAMA TV"