VIDEO/ Shiu, kaos dhe spektakël në Rusi! Fati i buzëqesh Luis Hemiltonit, piloti britanik arrin fitoren e 100-të në Formula 1
Luis Hemilton rikthehet te triumfi pas më shumë se dy muajsh “agjërim”. Piloti britanik arriti të pozicionohej në vendin e parë në garën e zhvilluar në Rusi.
Fati i buzëqeshi Hemitonit, në garën që u dominua për shumë kohë nga Lando Norris, i cili 3 xhiro nga fundi kur reshtjet e shiut pushtuan pistën, bëri një gabim fatal, duke qëndruar me goma të thata në pistë, teksa kjo kokëfortësi i kushtoi pilotit të McLaren, jo vetëm të humbte kryesimin e garës, por që në fund të renditej në vendin e shtatë.
The moment a first #F1 win finally slipped away from Lando Norris#RussianGP pic.twitter.com/W3ofVyM6Fb
— Formula 1 (@F1) September 26, 2021
Në podiumin e fituesve në garën e sotme u ngjitën edhe Maks Vershtapen i Red Bull dhe Karlos Sainz i Ferrarit. Kjo ishte fitorja e 100-të në Formula 1 e Luis Hemilton, duke nxjerrë edhe njëherë në pah klasin e tij.
I bllokuar për një kohë të gjatë pas Daniel Riçardos, “Mbreti i Zi” i Formula 1, pasi nisi shiu ndryshoi gomat dhe duke përfituar nga gabimi i Norris, arriti fitoren e pestë të këtij sezoni dhe të 100-tën në karrierë.
PAMORAMASPORT.AL
NDIQE LIVE "PANORAMA TV"