VIDEO/ Shënoi tripletë në Champions për 45 minuta, shikoni çfarë bën talenti norvegjez në intervistë
Sulmuesi vetëm 19-vjeçar i Salcburgut, norvegjezi Erling Braut Haland, u bë protagonist mbrëmjen e së martës, teksa shënoi tripletë ndaj belgëve të Genk, vetëm gjatë 45 minutave të para, me takimin që përfundoi në total 6-2 për austriakët.
Por, mesa duket 19-vjeçari kursehet me fjalët, duke u shprehur më mirë në fushën e blertë. Pas takimit ku mori topin në shtëpi, Haland duke folur për median norvegjeze “Viasport”, përgjigjej shumë shkurt, e kjo gjë vuri në siklet edhe gazetarin.
Lojtari më i ri që shënon një tripletë për 45 minuta. Si ndiheni?
Ndihem shumë mirë.
Ndonjë gjë më tepër?
Më pyete si ndihesha, dhe unë u përgjigja.
17 gola në 9 ndeshje. Cili është sekreti?
Për të punuar fort.
Pas dy ndeshjes shkoni në “Anfield”. Babai juaj ka shënuar atje. Do shënoni edhe ju?
Shpresoj.
Këto ishin fjalët e djaloshit, që më pas, u duk se filloi të fliste edhe disa fjalë më shumë.
“Kualifikim? Pikë së pari, duhet të përqendrohemi te ndeshja e radhës ndaj LASK-ut në ligë, dhe më pas për Liverpulin. Do ishte bukur të ecnim sa më shumë. Të gjithë e pamë Ajaksin vjet, dhe do ishte bukur të jemi Ajaksi i ri. E dimë se ka shumë skuadra të vështira në grup. E vështirë, por çdo gjë është e mundur” – deklaroi Haland.
PANORAMASPORT.AL
NDIQE LIVE "PANORAMA TV"