VIDEO/ “Ringjallet” Juventusi, Ronaldo dhe Dibala rikthejnë buzëqeshjen e Pirlos. Napoli thyhet në Torino
Më në fund pak qetësi te Juventusi! Bardhezinjtë kanë mposhtur ditën e sotme Napolin, me rezultatin 2-1, duke marrë kështu vendin e tretë në renditje, me 59 pikë, 1 më pak se Milani i vendit të dytë.
“Zonja e Vjetër” zhvilloi një ndeshje shumë të mirë, teksa krijoi disa raste të pastar për shënim. Në minutën e 13’, Ronaldo zhbllokoi sfidën, pas një veprimi shumë të bukur të Kiezës në të djathtë.
Pjesa e dytë nisi përsëri me Juventusin më kërkues, të cilët e gjetën golin e dytë në minutën e 73. Ishte Paulo Dibala, i cili 4 minuta pasi ishte futur në fushë, ia doli të shënojë për vendasit. Insinje rihapi sfidën në minuten e 90’, duke shënuar nga [penalltia, por vetëm kaq, pasi skuadra e Gatuzos nuk ia doli të shënojë të paktën edhe një gol tjetër, për të marrë barazimin.
FT| JUVENTUS-NAPOLI 2-1
Ronaldo 13′, Dibala 73’/ Insinje 90′
FORMACIONET ZYRTARE:
Juventus: Shezni, Danilo, Kielini, De Ligt, Kuadrado, Kieza, Mekeni, Bentankur, Artur, Morata, Ronaldo. Trajner: A. Pirlo
Napoli: Meret, Rrahmani, Kulibai, Di Lorenco, Hysaj, Deme, Fabian Ruiz, Lozano, Zielinski, Insinje, Mertens. Trajner: Xh. Gatuzo
PANORAMASPORT.AL
NDIQE LIVE "PANORAMA TV"