VIDEO/ Rihapet kampionati francez, PSG zhgënjen me Mesin, Nejmar dhe Mbape në fushë
PSG-ja regjistroi humbjen e dytë në 19 javë kampionat teksa u mposhtu me rezultatin 1-0 nga Ren, duke bërë që diferenca me skuadrën e Lens të ngushtohet në vetëm 3 pikë.
Skuadra pariziene nuk e përfshiu Kilian Mbape në 11-shen e saj fillestare, teksa nga minuta e parë ishin dy yjet e tjerë, Mesi dhe Nejmar.
Kuqezinjtë i nisin gjithmonë fuqishëm ndeshjet në ‘Roazhon Park’ dhe tetë fitore radhazi në shtëpi në Ligue 1, e dëshmojnë këtë. Mesi u përpoq të tërhiqte skuadrën, por PSG përplasej vazhdimisht me murin e Ren.
PSG nuk u ‘zgjua’ në lojë dhe kur Galtier futi në fushë Mbape dhe Hakimi në minutën e 55-të për t’i dhënë më shumë entuziazëm lojës së ekipit të tij. Por Ren vazhdoi të rritej teksa në minutën e 65-të, gjeti rrugën e rrjetës me Traore.
HAMARI TRAORE!!!!!THE CAPTAIN!!!!!!RENNES SURPRISINGLY GOES LEAD AGAINST PSG!!!!
— The Art of Football ⚽ (@oikos_angel) January 15, 2023
PANORAMASPORT.AL
NDIQE LIVE "PANORAMA TV"