Pas humbjes turpëruese 0-1 ndaj Lituanisë në “Air Albania”, kombëtarja shqiptare ka zbarkuar në tokën lituaneze me objektivin e “hakmarrjes”, teksa do të zhvillojnë ndeshjen e katërt në këtë edicion të Ligës së Kombeve. 

Kuqezinjtë sot përshkruan një tjetër distancë të largët, rreth 4852 kilometra. Ky fluturim, nga Almati për në Vilnus të Lituanisë, përshkon një distancë rreth 4852 kilometra dhe zgjati përafërsisht 5 orë pa ndalesë. Një fluturim i lodhshëm që kryhet gjatë paradites, për t’i lënë vend stërvitjes zyrtare në mbrëmje.

Kombëtarja e drejtuar nga Edi Reja edhe pse me shumë mungesa ku spikasin emrat e Roshit, Cikalleshit, Hysajt dhe Strakoshës dhe me lojtarë të afruar rishtazi në ekipit kombëtar A, kërkojnë revanshin për të synuar objektivin vendin e parë në grupin, i cili aktualisht është në baraspeshë totale.

Kujtojmë që Shqipëria ndeshet nesër me orën tonë lokale 18:00 në kryeqytetin lituanez Vilnus. Ashtu si në Kazakistan, edhe ndaj Lituanisë, kuqezinjtë do të luajnë në fushë me bar artificial.

PANORAMASPORT.AL

NDIQE LIVE "PANORAMA TV"

---