VIDEO/ Partizani i pandalshëm, likuidon Luftëtarin dhe e mbyll fazën e parë në krye
Partizani ka mposhtur Luftëtarin me rezultatin 2-1 në takimin e vlefshëm për javën e 9-të të Kategorisë Superiore. Golat e Mensah dhe Telushit i dhanë fitoren skuadrës së Skënder Gegës që e mbyll fazën e parë në krye të tabelës. Shkurtaj barazoi shifrat në minutën e 40-të, por ky gol nuk mjaftoi që skuadra e Mezanit të largohej me pikë nga “Selman Stërmasi”.
5 fitoret në 5 ndeshjet e fundit tregojnë më së mirë momentin e shkëlqyer që po kalon skuadra e Partizanit në kampionat. Transfertat janë kthyer në një makth për gjirokastritët, të cilë kanë regjistruar 4 humbje në 4 ndeshje.
Ditën e premte të kuqtë do të përballen me Skënderbeun, në supersfidën e javës së 10-të, ndërkohë që Luftëtari do të udhëtojë drejt Fushë-Krujës, për tu ndeshur me Kastriotin.
PARTIZANI-LUFTËTARI 2-1
Mensah 21′, Telushi 56′ (p) / Shkurtaj 40′
KOMENTI LIVE:
Përfundon takimi.
90′ Akordohen 4 minuta shtesë.
87′ Zëvendësim i tretë te Partizani, largohet Asani në fushë Çinari.
85′ Kote ndëshkohet me karton të verdhë për ndërhyrje të gabuar ndaj Ramadanit.
82′ Një moment pikant në mesin e fushës, gjyqtari rrëzohet në tokë pas një përplasje të pa qëllimshme me Telushin.
Bie gjyqtarin on Vidnews.
Bie gjyqtarin on Vidnews.
80′ Zëvendësim te Partizani, largohet Mala në fushë Kristi Kote.
79′ Rrapa ndëshkohet me karton të verdhë për ndërhyrje të gabuar ndaj Asanit.
76′ Asani provon me një gjuajtje nga goditja e dënimit shumë pranë zonës, por topi devijohet nga muri dhe më pas largohet nga mbrojtësit.
70’ Ibrahimi provon me një gjuajtje të fortë nga e djathta, por nuk arrin të mposhtë Ruçin.
69′ Ndëshkohet edhe Ramadani për ndërhyrje të gabuar.
67′ Atanda ndëshkohet me karton të verdhë.
66′ Zëvendësimi i parë te Partizani, largohet Mensah në fushë Kalari.
59′ Zëvendësim i dytë te Luftëtari, në fushë Rroca, del nga loja Milosavljev.
56′ GOOOOL PARTIZANI 2-1. Telushi gjuan saktë nga pika e bardhë e penalltisë.
54′ Penallti për Partizanin, e fiton Esat Mala, i cili pengohet brenda zonë nga Liçaj.
52′ Zëvendësim i detyruar te Luftëtari, largohet Shkurtaj i dëmtuar, në fushë Dunga.
49′ Partizani pretendon për 11-metërsh, nuk është i këtij mendimi gjyqtari. Ka protesta në “Selman Stërmasi”.
46′ Starton pjesa e dytë, nuk ka zëvendësime.
Përfundon pjesa e parë, 1-1.
45′ Akordohet 1 minutë shtesë.
41′ Mala i shpëton mbulimit të Xhekson dhe provon me një gjuajtje me kokë, por jashtë kuadratit.
40′ GOOOOL LUFTËTARI 1-1. Shkurtaj barazon shifrat. Pas një asist të Radoviç sulmuesi gjuan saktë në cepin e portës së portierit Xhika duke vendosur baraspeshën në “Selman Stërmasi”.
37′ Luftëtari fiton një goditje dënimi. Provon Milosavljev me një gjuatje nga 30 metra, por topi shkon jashtë kuadratit.
30′ Kërkon të reagojë Luftëtari me Shkurtajn, por sulmuesi nuk arrin të godasë me kokë nga brenda zonës.
24′ Spektakël nga ajëri, mbi stadium fluturon një parashutë ku shkruhet Partizani. Ndizet atmosfera në këto momente.
23′ Pranë golit të dytë Partizani me Mensah, por largojnë në momentin e fundit lojtarët e Luftëtarit, duke e dërguar topin në këndore.
21′ GOOOOL PARTIZANI 1-0. Mensah kalon në avantazh kryeqytetasit. Ka protesta nga lojtarët e Luftëtarit, të cilët pretendojnë për një faull ndaj portierit.
14′ Mala provon me një goditje drejt portë, por pret portieri Ruçi.
9′ Liçaj ndëshkohet me karton të verdhë për ndërhyrje të gabuar ndaj Asanit, humbet ndeshjen e radhës ndaj Kastriotit.
8′ Asani rikuperon një top dhe provon me një gjuajtje drejt portës, por e lehtë, topi shkon në duart e portierit.
6′ Luftëtari kërkon të dalë me shpejtësi në sulm, i vëmendshëm Belica që ndërhyn, duke larguar topin.
4′ Luftëtari kërkon të rrezikojë me një krosim nga e majta, por largon bukur Atanda.
2′ Goditja e parë nga këndi i përket Partizanit, por largojnë rrezikun lojtarët e Luftëtarit.
1′ Ka startuar takimi në “Selman Stërmasi”. Në stadium i pranishëm edhe trajneri i Vllaznisë, Hasan Lika dhe artisti Robert Alija.
FORMACIONET ZYRTARE:
Partizani: Xhika, Ibrahimi, Belica, Atanda, Trashi, Telushi, Hila, Asani, Mensah, Mala, Bardhi. Trajner: Skënder Gega
Luftëtari: Ruçi, Liçaj, Hoxha, Rapa, Xhekson, Ramadani, Rapo, Radoviç, Milosavljev, Ymeraj, Shkurtaj. Trajner: Gentian Mezani
