VIDEO/ Parcela me kanabis në mes të Spanjës, u zbuluan gjatë garës çiklistike
Një helikopter në Spanjë, ka zbuluar pa vetëdije, një parcelë hashashi në tarrecën e një banese, teksa po filmonte “Vueltën” e Spanjës, eventin çiklistik që po mbahet këto ditë në gadishullin iberik.
Teksa xhironte nga ajri, kanë qenë shikues që më pas kanë publikuar pamjet në rrjete sociale, që kanë pikasur vendin e mbjellë me hashash në një tarracë. Pasi lajmi u bë i madh, efektivët e policisë kanë reaguar menjëherë, duke bastisur godinën e konfiskuar rreth 40 bimë hashashi të cilat shiheshin qartë në filmimet e bëra në kohën kur etapa e tetë e garës, po shkonte drejt fundit.
Pavarësisht bujës që pati kjo ngjarje në mediat vendase e ato ndërkombëtare, deri tani nuk ka pasur asnjë të arrestuar, kur mbërritën në plantacion, policët e gjetën atë të braktisur.
PANORAMASPORT.AL
NDIQE LIVE "PANORAMA TV"