Kilian Mbape ka përjetuar 20 minuta të tmerrshëm në ndeshjen që luajti sot PSG me Montepelje në kampionatin francez. Ylli i parisienëve, ishte titullar por la fushën e lojës pas 20 minutash ku ajo që tregoi la shumë për të dëshiruar.

PSG fitoi penallti që në startin e sfidës dhe Mbape kishte mundësinë që të shënonte nga pika e bardhë, por gjeti përgjigjen e portierit Lekomt. VAR-i sinjalizoi se penalltia duhej të përsëritej sepse portieri kishte lëvizur nga vija e portës dhe Mbape iu dha mundësia e dytë për të realizuar.

Por edhe këtë herë ai pa topin të devijohej nga portieri duke u kthyer nga shtylla. Sfera shkoi përsëri në këmbët e tij, por këtë radhë, edhe pse me portën e boshatisur, ai fluturoi topin jashtë.

Sikur të mos mjaftonte kjo, pak minuta më vonë lojtari kërkoi zëvendësim për probleme muskulore, duke shkuar direkt në dhomat e zhveshjeve që në minutën e 20 të takimit.

PANORAMASPORT.AL

NDIQE LIVE "PANORAMA TV"

---