VIDEO/ Napoli i Hysajt i pamëshirshëm, shkatërron Fiorentinën me 6 gola dhe “tremb” Juventusin
Napoli, ku titullar ishte ditën e sotme mbrojtësi i Kombëtares, Elsedi Hysaj, është treguar i pamëshirshëm me Fiorentinën, që ka mposhtur me rezultatin 6-0.
Pjesa e parë, u mbyll 4-0 në favor të skuadrës së Gatuzos, flaë golave të Insinjes në minutën e 5’, Deme në minutën e 36’, Lozano në minutën e 38’ dhe Zielinksi në minutën e 45’. Edhet në pjesën e dytë vendasit nuk u ndalën, teksa shënuan edhe dy herë të tjera, me Insinjen në minutën e 72’ dhe Politanon në minutën e 89’.
Napoli ngjitet kështu në vendin e tretë me 34 pikë, duke lënë pas Juventusin dhe Romën, dhe duke iu dërguar një mesazh të qartë bardhezinjve të Pirlos, me të cilët do të përballen pas 3 ditësh për Superkupën e Italisë.
NAPOLI-FIORENTINA 6-0
Insinje 5′, 72′, Deme 36′, Lozano 38′, Zielinski 45′, Politano 89′
PANORAMASPORT.AL