VIDEO/ Napoli i Hysajt nuk e diskuton Shakhtarin, Reali tallet me APOEL-in
U luajtë mbrëmjen e sotme 8 sfidat e vlefshme për Ligën e Kampionëve, në grupet G, E, H, F. Napoli i Elseid Hysajt mposhti me rezultatin 3-0 ukrainasit e Shakhtar Donetsk. Golat për italianët u shënuan nga Insinje, Zielinski dhe Mertens. Mbrojtësi i Kombëtares Elseid Hysaj u aktivizua 90 minuta, duke qënë një nga më të mirët në fushë.
Supersfida tjetër e mbrëmjes mes Dortmundit dhe Totenhemit rezultoi spektakolare, ku vendasit kaluan të parët në avantazh me Aubamejang, ndërsa anglezët përmbysën rezultatin me Kejn dhe koreano-jugorin Son.
Kampionët në fuqi të Real Madridit janë argëtuar në transfertën qipriote duke fituar me rezultatin e thellë 0-6. Më në fund zhbllokohet sulmi i madrilenëve. Kristiano Ronaldo dhe Benzema shënuan dopietë në sfidën e sotme, ndërsa rrugën e rrjetës e gjetën edhe Modriç me Naçon.
Një sfidë dramatike ajo mes Seviljas dhe Liverpulit. Në minutën e 30-të anglezët ishin duke udhëhequr me rezultatin 0-3, spanjollët nuk u dorëzuan për asnjë moment pavarësisht disavantazhit të tre golave dhe në fund arritën të merrnin një pikë. Një gol në minutën e 93-të shokoi skuadrën e Jurgen Klop.
Në sfidat e tjera, Mançester Siti mposhti Fejnordin me rezultatin 1-0, ndërsa Lajpcig poshtëroi Monakon duke e mundur në transfertë 1-4.
Kujtojmë që në orën 18:00 u luajtën 2 takime Beshiktash-Porto dhe Spartak Moskë – Maribor të cilat përfunduan me shifra të barabarta 1-1.
GRUPI F
Napoli – Shakhtar 3-0
Insinje 56′, Zielinski 81′, Mertens 83
Mançester Siti – Fejndord 1-0
Stërling 88′
GRUPI H
Dortmund – Totenhem 1-2
Aubamejang 31′ / Kejn 49′, Son 76′
APOEL – Real Madrid 0-6
Modriç 23′, Benzema 39′,45+1′, Naço 41′, Ronaldo 49′, 54′
GRUPI G
Monako – Lajpcig 1-4
Falkao 43′ / Xhemerson 6′ (autogol), Verner 9′,31′, Keita 45
GRUPI E
Sevilja – Liverpul 3-3
Ben Jader 51′, 59′, Pizarro 90+3 / Firminjo 2′,30′ Mane 22′
Në orën 18:00
Beshiktash – Porto 1-1
Spartak Moskë – Maribor 1-1
NDIQE LIVE "PANORAMA TV"