Postuar: Shkurt 22, 2020 | 21:51
VIDEO/ Mundi Besëlidhjen, Dinamo në “qiellin e shtatë” pas suksesit ndaj lezhjanëve
Fitorja e rëndësishme ndaj Besëlidhjes që synon të ngjitet në Kategorinë Superiore ka ndryshuar atmosferën në kampin e Dinamos.
Pavarësisht problemeve të brendshme gjatë kësaj jave ku 3 futbollistë u larguan për shkak të pagave si dhe mosmarrëveshjes mes drejtuesve shqiptarë dhe italianë, 18-herë kampionët e Shqipërisë arritën të mposhtnin me rezultatin 2-0 skuadrën lezhiane. Ky rezultat i jep shpresë skuadrës kryeqytetase të besojë se do të qëndrojë në Kategorinë e Parë.
Skuadra festoi fitoren ndaj Besëlidhjes në njërin prej hoteleve të kryeqytetit duke sjellë gëzim dhe optimizëm pas një kohe të gjatë në kampin blu.
/PANORAMASPORT.AL/
NDIQE LIVE "PANORAMA TV"