Trent-Aleksandër Arnold është padyshim një nga më të mirët në botë në krahun e djathtë të mbrojtës, gjë të cilën e ka dëshmuar në vitet e fundit me Liverpulin.

I riu i talentuar nga Anglia është një zbulim i trajnerit Jurgen Klop dhe ka arritur të zërë një vend të rëndësishëm në formacionin e gjermanit.

21 vjeçari pati një rol tepër të rëndësishëm edhe në Ligën e Kampionëve për “Të kuqtë”. Dinakëria me të cilën ekzekutoi një goditje këndi në përmbysjen e madhe kundër Barcelonës në gjysmëfinale të Champions-it vitin e kaluar ka bërë që t’i shtohen edhe më shumë tifozët.

Pikërisht me tifozët ka lidhje dhe një video e postuar së fundmi nga “SPORTbible”. Arnold shfaqet në këtë video për të surprizuar një fans të Liverpulit i cili ka zgjedhur të ndihmojë në shpërndarjen e ushqimeve për të varfrit, pavarësisht se i rrezikohet jeta duke qenë se vuan nga azma.

Mirëpo një moment i “sikletshëm” i ndodhi mbrojtësit të Liverpulit gjatë kësaj video, duke qenë se nëna e tij futet në dhomë dhe e pyet me kë po flet. Arnold ia shpjegon se për kë bëhet fjalë, ndërsa tifozi nuk përton të përshëndesë dhe mamanë e Arnold, si dhe ta falenderojë që ka lindur një futbollist të tillë.

 

Liverpool’s @trentaa98 surprised a fan who’s been delivering food to the vulnerable… until his mum interrupted him ?? pic.twitter.com/tyaHQkOh8g

— SPORTbible (@sportbible) May 17, 2020

 

PANORAMASPORT.AL

NDIQE LIVE "PANORAMA TV"

---