Dinamo ka fituar minimalisht 1-0 në stadiumin e ri të Vorës, ndaj këtyre të fundit në miqësoren e dytë në prag të rifillimit të kampionatit, për shkak të pauzës së Botërorit të Katarit.

Bluve nga kryeqyteti u mjaftoi goli me penallti i Denison në minutën e 83′.

Trajneri Nevil Dede e nisi ndeshjen me këtë formacion:

Simoni, Vokrri, Dikson, Samake, Allmuça, Bardhi, Smaçi, Danaj, Prodani, Denison, T. Marku.

Teksa në pjesën e dytë Dede aktivizoi të gjithë futbollistët që kishte në dispozicion.

Vlen të theksohet se në miqësoren e parë Dinamo u mposht me rezultatin 2-1 nga Kukësi.

BRIAN KRISTO – PANORAMASPORT.AL

---