VIDEO/ Milani nuk gabon përballë kroatëve, merr kreun e grupit. Shakhtar konfirmohet pretendent
Një fitore me shifrat 3-1 ndaj Dinamo Zagreb i ka mjaftuar Milanit që të gjejë suksesin e parë në këtë edicion të Ligës së Kampioneve dhe të marrë kreun e grupit.
Kroatët kishin bërë çudinë në ndeshjen e parë përballë Çelsit duke mposhtur londinezët, por nuk ia dolën të merrnin pikë përballë kuqezinjve. Këta të fundit zhvilluan një ndeshje në sulm sidomos në pjesën e parë, ndonëse në fund iu desh një penalti që të gjenin avantazhin me Zhiru. Salemakers shënoi golin e dytë por Orsiç u përgjigj shpejt për kroatët duke mbajtur sfidën të hapur derisa erdhi goli i Pobega i cili vulosi fitoren e italianëve.
Ndërkohë, në Grupin F, Shakhtar Donjetck konfirmohet si pretendent për vazhdimin në turne pasi barazoi 1-1 me Sëlltik dhe u ngjit në kuotën e 4 pikëve pas dy sfidave të para.
MILAN-DINAMO ZAGREB 3-1
45′ (p) Zhiru, 47′ Salemakers, 77′ Pobega / 56′ Orsiç
NGJARJET KRYESORE
77′ GOOOL MILANI! Aksion i shpejtë me shumë pasime i Milanit që finalizohet nga Pobega me nj gjuajtje të fortë.
56’ GOOOL DINAMO ZAGREB! Aksion i rrufeshëm i skuadrës kroate që finalizohet nga Orsiç, i cili me një gjuajtje të shpejtë mposht Menja.
47’ GOOOL MILANI! Rafael Leao shpërthen në krahun e majtë dhe nis një top perfekt në qendër ku Salemakers me kokë nuk gabon duke çuar sferën në rrjetë.
45’ GOOOL MILANI! Shënon Zhiru nga pika e bardhë e penalltisë.
43’ Penallti për Milanin, gjyqtari bën shenjë nga pika e bardhë pasi Sutalo rrëzon në tokë Leaon.
39’ Predhë e Selemakers nga jashtë zonës, topi përfundon në duart e portierit kroat.
35’ Orsiç arrin në hyrje të zonës, gjuajtja e tij përfundon jashtë ngjitur me shtyllën në të majtë të Menja.
33’ Leao nga e majta gjuan fluturimthi pas një sugjerimi interesant, shënjestra është tërësisht e gabuar.
32’ Tentativë edhe nga Brahim Diaz i cili gjuan nga distanca, por nuk gjen katërkëndorin e kroatëve.
31’ Tjetër harkim nga krahët i Milanit që kërkon të gjejë rrjetën me anë të Zhiru, por gjuajtja me kokë e sulmuesit përfundon në duart e portierit.
27′ Moharrami hyn në zonën e Milanit nga e majta dhe lëshin një gjuiajtje të fortë, Menja grushton në shtyllën e parë.
9’ Aksion individual i Zhiru i cili gjen hapësirën dhe harkon topin me të majtën, por sfera kalon pak mbi kryqëzimin e shtyllave.
5’ Harkim interesant nga e djathta për Tonali i cili gjuan me kokë por nuk gjen katërkëndorin.
1′ Menjëherë rrezikshëm kuqezinjtë me Zhiru i cili nuk i jep dot forcë topit me një gjuajtje fluturimthi dhe mbrojtja kroate largon rrezikun.
1′ Nis dueli në “San Siro”
SHAKHTAR DONJETCK-SËLLTIK 1-1
19′ Mudrik / 11′ Hatate
FORMACIONET ZYRTARE:
Milan-Dinamo Zagreb
Shaktar Donetsk-Selltik
PANORAMASPORT.AL
NDIQE LIVE "PANORAMA TV"