VIDEO/ Milani del i “skuqur” nga Bolonja, ekipi i Inzagit e ndal në barazim
Milani nuk shkoi më shumë se një barazim pa gola në transfertën ndaj Bolonjës. Ekipi i Gatuzos, pasi u skualifikua nga Europa League, vazhdon të zhgënjejë.
Të dyja ekipet patën rastet e veta për të shënuar, por portierët respektivë bënë detyrën për të shpëtuar rrjetën të mos preket. Rodrigo Palacio rrezikoi për vendasit në pjesën e parë, ndërsa në të dytën Çalhanoglu shkoi më afër golit për kuqezinjtë.
Milani e mbylli me 10 vetë ndeshjes, pas kartonit të kuq të marrë nga Bakajoko në minutën e 76-të. Gjithsesi, edhe për disa minuta në superioritet numerik, ekipi i Super Pipo Inzagit, nuk përfitoi dhe në fund të dyja skuadrat ndanë nga një pikë.
Me këtë pikë, ekipi i Gatuzos mbetet në vendin e katërt me 27 pikë, dy më shumë se Lacio e vendit të pestë.
NDIQE LIVE "PANORAMA TV"