PSG ka fituar pasditen e djeshme ndaj Troje me rezultatin 4-3, e vlefshme për javën e 13-të në Ligue 1 franceze.

Golat për parizienët u shënuan nga Soler në minutën 24′, Mesi në minutën e 55′, Nejmar në minutën e 62′ dhe Kilië Mbape në minutën e 77′.

Ai që mori vëmendjen e të gjithëve ishte Lionel Mesi me një eurogol të shënuar.

Ylli argjentinas mori një pas nga Serxho Ramos dhe ka kalibruar të majtën e tij duke dërguar një “silurë” në portë me gardianin kundërshtar që nuk mundi të bënte dot asgjë.

Një realizim perfekt i 7 herë fituesit të “Topit të Artë”, ku u bë menjëherë viral në rrjet.

Ky ishte goli i tij i 7 në 12 ndeshje të zhvilluara në Ligue 1 me fanellën e PSG-së, teksa ka dhuruar edhe 10 asiste për shokët e skuadrës.

BRIAN KRISTO – PANORAMASPORT.AL

NDIQE LIVE "PANORAMA TV"

---