VIDEO/ Mançesterit i mjafton Ronaldo dhe Lingard, Brajtoni triumf për vendin e tretë në Premier Ligë
Mançester Junajtid ka marrë një fitore shumë të rëndësishme duke mposhtur 1-2 në transfertë rivalët e Uest Hemit.
Golin e parë të takimit e shënuan vendasit me Benrama në minutën e 30-të të takimit, por pesë minuta më vonë Kristiano Ronaldo vendosi baraspeshën duke dërguar ‘’djajtë’’ të qetë në dhomat e zhveshjes.
Pjesa e dytë ishte pa shumë ritëm, ku u desh të vinte minuta e 89-të e takimit për Junajtid që të shënonte golin e fitores. Lingard, i aktivizuar në fushë në minutën e 73-të shfrytëzoi mjaft mirë një pasim të mesfushorit Matiç, duke i dhënë tre pikë skuadrës së Solskjaer.
Në sfidën tjetër, Brajtoni mposhti 2-1 Lestërin duke u konfirmuar si surprizë këtë sezon pasi vendasit ngjiten në vendin e tretë në renditje duke lënë pas Mançester Sitin, Çelsin e Totenhemin.
PANORAMASPORT.AL
NDIQE LIVE "PANORAMA TV"