VIDEO/ Luftëtari për turp në Europë, Ventspils i jep një “shuplakë”
Luftëtari është mundur thellë në ndeshjen e parë në turin e parë eliminator në Europa League. Ekipi gjirokastrit humbi me shifrat 5-0, nga ekipi i Ventspils.
Letonezët i shënuan të pesta golat që në pjesën e parë, ku katër u shënuan nga 19-vjeçari i talentuar, Akinjemi. Ndërkohë, golin tjetër e shënoi Tosin, me 11-metërsh.
Një paraqitje zhgënjyese kjo për ekipin e trajnerit Kostiç, i cili nuk e nis aspak mbarë aventurën me Luftëtarin, në këtë debutim të gjirokastritëve një Europë.
Ventspils-Luftëtari 5-0
GOL: Akinjemi pen. 8′, 13′, 24′, 43′ Tosin pen. 37′
KOMENTI
Mbyllet takimi. Ventspils-Luftëtari 5-0
86’ Shkurtaj merr një top të bukur nga hyrja e zonës, e kalon me parabolë portierin, por teksa topi shkon drejt portës së boshatisur, është mbrojtja që largon mbi vijën fatale.
81’ Tjetër zëvendësim te Luftëtari. Rapo futet në vendin e Ramadanit.
71’ Pranë golit Luftëtari, Shkurtaj provon me kokë brenda zone, por topi në traversë. Më pas provon Ymeraj, por topi largohet pak larg vijës fatale.
64′ Zëvendësimi i parë tek Luftëtari. Ymeraj zë vendin e Milosavljev.
46′ Nis pjesa e dytë.
Mbyllet pjesa e parë. Ventspils-Luftëtari 5-0
45′ 2 minuta shtesë në pjesën e parë.
43’ Akinjemi nuk fal sërish, shënon golin e katërt personal. Tosin shpërthen në krahun e majtë, shërben për Akinjemin në zonë, i cili shtyn lehtësisht topin drejt portës.
37’ Tosin e merr përsëripër penalltinë e dytë në këtë ndeshje, dhe nuk fal nga 11 metra.
36’ Përsëri penallti për Ventspils. Xhekson shtyn në zonë Akinjemin.
24’ Ventspils shënon edhe golin e tretë, përsëri Akinjemi, një 19-vjeçar, pas goditjes së dënimit, i cili shënon me kokë.
23’ Milosljavljev ndërhyn keq në hyrje të zonës, gjyqtari nuk e fal dhe e ndëshkon me të verdhë.
13′ Tjetër gol për Ventspils. Akinjemi shënon sërish pas një kundërsulmi befasues.
8′ Menjëherë nis me gol. Akinjemi shënon për Ventspils, me penallti në minutën e 8.
1′ Nis ndeshja në Letoni.
FORMACIONET
Ventspils: Uvarenko, Jagodinskis, Rugins, Pavlov, Alfa, Tosin, AKinyemi, Neziri, MAnjgaldze, Mamah, Monteiro, Batista
Luftëtari: Bukovski, Rapa, Aleksi, Silverio, Milosavjlev, Shkurtaj, Janiçiç, Vuçaj, Ramadani, Liçaj, Bregu
NDIQE LIVE "PANORAMA TV"