Ajaksi ka regjistruar sot një rezultat historik, për fat të keq negativ. Humbja ndaj Tuentes me shifrat 3-1, ka bërë që pas 14 vitesh radhazi, skuadra legjendare holandeze të mos arrijë të kualifikohet në Ligën e Kampioneve.

Një situatë që ka tensionuar jo pak futbollistët, aq sa mesfushori Stiven Berghuis, pas ndeshjes ka goditur me grusht një tifoz. Në videon që ka qarkulluar në rrjetet sociale, shihet Berghuis i cili pasi dëgjon një tifoz t’i thotë diçka teksa largohej nga stadiumi, i drejtohet dhe e godet me grusht.

Ai tërhiqet më pas nga rojet e sigurisë dhe pjesëtarët e stafit, duke u futur më pas në autobus për t’u larguar. Nuk dihet ende se cila ishte arsyeja e këtij veprimi të futbollistit holandez.

Ajax player Steven Berghuis has just punched a FC Twente fan…
pic.twitter.com/MsipXygbdE

— george (@StokeyyG2) May 28, 2023

PANORAMASPORT.AL

NDIQE LIVE "PANORAMA TV"

---