Karim Benzema ka luajtur sot ndeshjen e tij të fundit si futbollist i Real Madrid. Sulmuesi francez i ka dhënë lamtumirën klubit pas 14 vitesh si pjesë e tij, teksa ka fituar gjithçka në radhët e kësaj skuadre.

Lojtari  do të largohet drejt Arabisë Saudite, ku e pret një ofertë e çmendur e Al Itihad, por sigurisht largimi i tij nuk ka qenë “armiqësor”. Autori i golit të rezultatit 1-1 në ndeshjen e sotme ndaj Atletik Bilbaos, u largua nga fusha e lojës në minutat e fundit të sfidës për të marrë një duartrokitje të merituar.

I gjithë stadiumi u ngrit në këmbë duke përshëndetur largimin e një legjende të mirëfilltë në këtë klub, ku ai do të kujtohet si një nga numrat 9 më të mirë, pasi ka shënuar 237 gola në 440 ndeshje.

Karim Benzema leaves the pitch for the last time as Real Madrid player. 💔😢

pic.twitter.com/RmWx5cKf66

— Mikael Madridista (@MikaelMadridsta) June 4, 2023

Festë nga tifozët, por edhe nga shokët e tij të skuadrës, të cilët e ngritën lart në ajër, duke i dhënë lamtumirën më të mirë të mundshme në një ditë speciale në “Santiago Bernabeu”.

The end of the Benzema era as a player at the Bernabeu 💔. ✨️14 seasons 🏆25 titles (most at Real Madrid) He redefined the number 9 position, one of the most intelligent players in football history. Standing ovation.pic.twitter.com/W5AllcLRD3 — Gina 🏆 (@Serginaoo) June 4, 2023

PANORAMASPORT.AL

NDIQE LIVE "PANORAMA TV"

---