VIDEO/ Kukësi fiton me përmbysje ndaj Egnatias, merr 3 pikët e para të vitit
Kukësi ka fituar me përmbysje ndaj Egnatias me rezultatin 2-1.
Sfida u zhbllokua në minutën e 35’ me Fernandon nga pika e bardhë e penalltisë. Pjesa e parë u mbyll me avantazhin e rrogozhinasve. Por në pjesën e dytë gjithçka ndryshoi për verilindorët. Në minutën e 70’ Ndreca vendosi baraspeshën duke kthyer në lojë ekipin e tij. Por teksa mendohej se sfida do të mbyllej në barazim, Delimexhac shënoi supergolin që i dhuroi 3 pikët e para të vitit ekipit.
Me këtë fitore Kukësi renditet në vendin e 9-të me 19 pikë ndërsa Egnatia ndodhet po në vendin e 4-të me 26 pikë.
EGNATIA 1-2 KUKËSI
35′ Fernando (p)/ 70′ Ndreca, 86′ Delimexhac
NGJARJET KRYESORE
90’+6′ Mbyllet sfida, Kukësi fiton ndaj Egnatias.
90′ Jepen 6 minuta shtesë.
86’ GOOOL KUKËSI 1-2! Mirza Delimexhac shënon një supergol për ekipin e tij duke mposhtur portierin.
70’ GOOOL KUKËSI 1-1! Ndreca shënon një supergol.
66’ Rrezikon Egnatia me Duamenën, por goditja e tij përfundon mbi kuadrat.
58’ Ndreca godet sërish, por topi përfundon sipër traversës. Nuk ka asnjë rrezik për portën e Sherrit.
57’ Malota gjuan me kokë drejt portës, topi shkon në duart e Halimit.
49’ Fernando rrëzohet në zonë dhe mbetet i shtrirë në tokë. Arbitri nuk akordon 11 metërsh dhe vazhdon lojën.
46′ Nis pjesa e dytë.
45’+2′ Mbyllet sfida, Egnatia e mbyll në avantazh pjesën e parë.
45′ Jepet 1 minutë shtesë.
44’ Edi Basha godet me të majtën e tij, por Sherri parashikon lëvizjen dhe bën një pritje mjaft të mirë.
39′ Paulaskas shkakton faull, ndëshkohet me karton të verdhë.
35’ GOOOL EGNATIA 1-0! Fernando ekzekuton në mënyrë perfekte penalltinë duke kaluar në avantazh ekipin e tij.
34′ Duamena avancon drejt zonës, por pengohet nga mbrotja kundërshtare. Akordohet 11-metërsh.
31’ Sh. Taipi i nxjerr topin Barbozës i cili gjuan me të djathtën e tij në mënyrë të shkëlqyër, por Atanda ndërhyn menjëherë dhe shpëton ekipin nga një gol i sigurt.
29’ Zejnullai pason drejt Duamenës, por topi rrëmbehet nga Lamçe.
21’ Çfarë e djathte nga Mëllugja! Ai gjuan drejt portës, por topi është shumë i fortë dhe përfundon mbi traversë.
18’ Musta krijon hapësirë dhe ia pason topin Zejnullait, por ky i fundit gabon goditjen. Topi fluturon mbi traversë.
16’ Musta avancon drejt zonës, por aty gjen Momoh i cili ia rrëmben topin.
14’ Duamena provon të gjejë Fejzullain, por topi është shumë i gjatë dhe nuk arrin ta kapë.
12’ Fernando shkakton faull ndaj Bytyçit.
5’ Paulaskas provon me të djathtën, por topi del jashtë.
1′ Starton sfida!
FORMACIONET ZYRTARE
EGNATIA: Sherri, Fangaj, Atanda, Malota, Musta, Agbpepornu, Mëllugja, Zejnullai, Fernando, Duamena, Paulauskas.
Trajner: Shpëtim Duro
KUKËSI: Halimi, Lamçe, Bytyçi, Ndreca, Peposhi, Ebert, Sh.Taipi, Gj.Taipi, Momoh, Basha, Barboza.
Trajner: Rrahman Hallaçi.
PANORAMASPORT.AL
NDIQE LIVE "PANORAMA TV"