VIDEO/ Kosova “rrëshket” në transfertë, vetëm një barazim ndaj Ishujve Faroe
Kosova u ndal në një barazim në ndeshjen e katërt në Ligën e Kombeve. Në transfertë ndaj Ishujve Faroe, “dardanët” nuk shkuan më shumë se një barazim 1-1. Që në minutën e 9-të, ekipi i Shaland kaloi në avantazh, pas një goli fantastik të Milot Rashicës nga jashtë zone.
Më pas, Kosova e uli disi ritmin, dhe u mundua më shumë të administrojë lojën me qarkullim topi, dhe nuk provoi me goditje ndaj portës kundërshtare. Ishujt Faroe po prisnin në mbrojtje, dhe një gabim të Rrahmanit në mesfushë, e shfrytëzoi mjaft mirë, dhe me një kundërsulm, Joensen ndëshkoi dardanët.
Deri në fund, nuk pati më gola të tjerë, dhe Kosova mori vetëm një pikë nga kjo transfertë. Pas 4 ndeshjesh gjithsesi, Kosova mban vendin e parë me 8 pikë në grup.
Ishujt Faroe-Kosova 1-1
GOL: Joensen 50′ / Rashica 9′
Mbyllet sfida. Ishujt Faroe-Kosova 1-1
90′ 5 minuta shtesë.
90′ Shaland nxjerr edhe Rashicën, futet Muriqi.
87’ Vendasit rrisin presionin në zonën e Ujkanit, por gardiani në dy raste është vendimtar duke larguar rrezikun.
74’ Del nga fusha e lojës edhe Zhegrova. Futet Zeneli.
68’ Zëvendësimi i parë te Ishujt Faroe. Olsen në vendin e Edmundson.
64′ Karton i verdhë për Halimin.
54′ Ndërrimi i parë i trajnerit Shaland. Halimi në vendin e Vocës.
50’ Joensen barazon gjithçka për Ishujt Faroe. Kundërsulm pas një gabimi në pasim të Rrahmanit, dhe mbrojtja kapet e papërgatitur.
46′ Nis pjesa e dytë.
Mbyllet pjesa e parë. Ishujt Faroe-Kosova 0-1
45′ 2 minuta shtesë
44’ Tjetër karton i verdhë për Ishujt Faroe, ndëshkohet Joensen për një ndërhyrje ndaj Rashicës.
40’ Krosim në zonë për pykën Nuhiu, ky i fundit mundohet të godasë me kokë, por shkakton faull ndaj mbrojtësit
37’ Hera e parë që thirret në detyrë, Ujkani pret goditjen me kokë të Joensen, duke larguar në goditje këndi.
30’ Vojvoda nga e djathta kroson për Berishën brenda zonës së 5 metrave, por portieri kundërshtar kontrollon topin e largon atë situatë të rrezikshme.
25’ Karton i verdhë për Baldvinson, i pari këtë takim.
16’ Harkim në zonë nga goditja e dënimit, lojtarët e Kosovës pretendojnë për prekje me dorë, por asgjë për arbitrin.
15’ Berisha e Zhegrova kombinojnë bukur brenda zone, dhe është anësori i djathtë që provoi, por u ndal nga mbrojtja vendase.
9′ GOOOOOOL Super realizim nga Milot Rashica, me një të djathtë nga jashtë zone, topi në trekëndësh, e feston me shqiponjë.
1′ Nis ndeshja.
FORMACIONET
Ishujt Faroe: Nilsen, Baldvinson, Gregersen, Natestad, Davidsen, Rolantson, Faero, Hanson, Joensen, Hendrikson, Edmundson.
Kosova: Ujkani, Vojvoda, Rrahmani, Dallku, Aliti, Voca, Shala, Zhegrova, Berisha, Rashica, Nuhiu. Trajner: Bernard Shaland
NDIQE LIVE "PANORAMA TV"