VIDEO/ Katër gola për 1 pikë, kampionët e Interit ngecin në transfertë ndaj Sampdorias

Panorama Sport | Lajmet e fundit nga sporti

Postuar: Shtator 12, 2021 | 14:30


VIDEO/ Katër gola për 1 pikë, kampionët e Interit ngecin në transfertë ndaj Sampdorias

Katër gola për 1 pikë! Interi nuk ka shkuar më shumë se barazimi 2-2 në transfertë ndaj Sampdorias, në javën e tretë të kampionatit. Kampionët në fuqi të Serisë A, të drejtuar nga Simone Inzagi, kaluan të parët në avantazh në minutën e 18-të, falë një perle te Dimarkos nga goditja e dënimit.

Interi

Ndërkohë në minutën e 33-të, vendasit vendosën baraspeshën me anë të Joshidës, të cilit i erdhi në ndihmë dhe devijimi fatal i Xhekos, që i ndryshoi trajektoren topit. Gjithsesi zikaltërit arritën të shënonin sërish në pjesën e parë me Lautaro Martinez, që pas një shpërthimi të Barelës, nuk fali, duke tundur rrjetën.

Sampdoria e nisi vrullshëm pjesën e dytë, ku Augello me një të majtë vrastare, mposhti portierin Handanoviç. Pavarësisht tentativave, në minutat në vijim, ndeshja nuk prodhoi gola. Një rezultat ky që i shkon më shumë përshtat skuadrës së Daverses.

FT: SAMPDORIA-INTER 2-2

Joshida 33′ Augello 47′ / Dimarko 18′, Lautaro Martinez 44′

FORMACIONET ZYRTARE:

Formacionet zyrtare

PANORAMASPORT.AL



Për t’u bërë pjesë e grupit të "Panorama Sport" mjafton të klikoni: Join Group dhe kërkesa do t’ju aprovohet.
KOMUNITETI PANORAMA SPORT: https://www.facebook.com/groups/sportionline/