VIDEO / “Kampionaaaa!”, ja festa e çmendur e Teutës në dhomat e zhveshjeve pas rezultatit historik
Fitorja 3-0 në transfertë ndaj Inter D’ Eskaldes i ka siguruar Teutës një kualifikim historik për durrsakët në një tur të tretë në kompeticionet ndërkombëtare. Ndaj festa e lojtarëve dhe stafit të skuadrës durrsake ka qenë mëse e pritshme.
Por durrsakët nuk janë mjaftuar vetëm me festën në fushën e lojës, ku ata shprehën entuziazmin e tyre menjëherë pas vërshëllimës përfundimtare, Festa vazhdoi edhe në dhomat e zhveshjeve, siç tregojnë videot e postuara në rrjetet sociale.
Në pamjet duket qartë entuziazmi, por edhe çlirimi i lojtarëve dhe stafit të Teutës, që ishin vënë në diskutim pas rezultateve të fundit në Europë. Thirrjet “kampiona”, por edhe ndonjë shpërthim ndaj atyre që i kritikuan, shoqëroi këtë festë në dhomat e zhveshjeve të skuadrës, e cila tani do të matë forcat me Shamrok të Irlandës në turin tjetër.
PANORAMASPORT.AL