VIDEO/ Juventusi nuk fal dhe mund Breshan në shtëpi, Fiorentina shkatërron Sampdorian. Ja rezultatet në Serinë A
Juventusi rikthehet te fitorja në kampionat, duke mundur Breshan me rezultatin 2-0, në shtëpi.
Bardhezinjtë e kanë pasur të vështirë për të zhbllokuar sfidën. Ishte Dibala ai që gjeti rrugën e rrjetës me një goditje dënimi, në minutën e 38-të, pas një faulli që shkaktoi Aye dhe u ndëshkua me karton të kuq.
Në pjesën e dytë Kuadrado shënoi golin sigurisë, pasi një asisti të bukur të Matuidisë. Kështu Juventusi shkon në kuotën e 57 pikëve, tre më shumë se Interi dhe katër më shumë se Lacio që ndeshen mes tyre, sot në mbrëmje.
Ndërkaq në ndeshjet e tjera Fiorentina ka shkatërruar me rezultatin 1-5 Sampdorian në transfertë, ndërsa Parma ka mundur Sasuolon, 0-1.
Rezultatet sotme:
Juventus- Bresha 2-0
(Dibala 38’, Kuadrado 75’)
Sampdoria- Fiorentina 1-5
(Gabiadini 90+1’/ Thorsbi 8’ (au), Vlahoviç 18’, 57’ (p), Kieza 40’ (p), 78’)
Sasuolo-Parma 0-1
(Zhervinjo 25’)
/PANORAMASPORT.AL/